महेन्द्रनगर –नेकपा(एमाले) निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन(अनेरास्ववियु)ले दोधाराचाँदनी नगरपालिका वडा नं.०९ स्थित श्री अम्बिका मा.वि.आम्भोज मा कक्षा १२ मा अध्ययन छात्रा अस्मी बिटालु को अध्यक्षतामा ३९ सदस्यीय कमिटी गठन गरेको छ ।अनेरास्ववियुले शुक्रबार कमिटी गठन गरेको हो । कमिटीको उपाध्यक्ष वीर बहादुर खड्का, सचिव रोशन ठकुरी,कोषाध्यक्ष सीता गुरुङ,सहसचिव चन्द्र प्रकाश खड्का र बन्दना बुढामगर रहेका छन ।
कमिटी गठनमा अनेरास्ववियु जिल्ला कमिटी कोषाध्यक्ष तथा दोधाराचाँदनी नगरपालिका इन्चार्ज महेश भट्ट,जिल्ला कमिटी सदस्य आकृति कसेरा र पालिका कमिटी उपाध्यक्ष दशरथ भट्ट को उपस्थिति रहेको थियो ।
अनेरास्ववियु दोधाराचाँदनी इन्चार्ज महेश भट्टले निर्वाचित कमिटीलाई बधाई ज्ञापन गर्दै विद्यार्थीमा स्वयम् सेवि भावना जागृत गराउन तथा विसंगति विरुद्ध क्रियाशील गराउन कमिटी गठन गरिएको बताउनु भयो । “विद्यार्थीको बौद्धिक, शारीरिक, नैतिक एवं आत्मविश्वासको उत्थान र विकास संगसंगै स्वयंसेवी भावनाप्रती जागृत गर्दै सामाजिक विकृति बिसङ्गतीको विरुद्ध क्रियाशील हुन कमिटी गठन गरेको हो” इन्चार्ज भट्टले भने ।
कमिटी अध्यक्ष अस्मी बिटालुले संगठनमा प्राप्त जिम्मेवारीलाई इमानदारीपूर्वक रचनात्मक ढंगले पूरा गर्ने प्रतिबद्धता गरे ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
