‘सुरक्षित आवास’ मा सुत्केरी भएका महिलालाई रेडक्रसको सहयोग

पप्पु गुरुङ्ग, दोधारा । ‘सुरक्षित आवास’ मा सुत्केरी भएका एक महिलालाई नेपाल रेडक्रस सोसाईटीले सहयोग गरेको छ् । कञ्चनपुरको दोधारा चाँदनी नगरपालिका– १० निवासी गिता सुनारको घर बाढीले पुर्णरुपमा क्षती बनाएपछि ‘सुरक्षित आवास’ मा बस्दै आएका हुन् । ‘सुरक्षित आवास’ मा सुत्केरी भएका गिता सुनारलाई नेपाल रेडक्रस सोसाईटी दोधारा उपशाखाले गैरखाद्य सामग्री र पोषणयुक्त खानेकुरा सहयोग गरेको छ् । नेपाल रेडक्रस सोसाईटी दोधारा उपशाखाको एक टोली कुतियाकवर बस्तीको दोधारा चाँदनी नगरपालिका र गैरसरकारी संस्थाहरुले बाढीबाट स्थानियबासीको ज्यान जोगाउन निमार्ण गरेको ‘सुरक्षित आवास’ मा पुगी बाढीले बेघर भएर ‘सुरक्षित आवास’ मा आश्रय लिएर बसेका सुत्केरी महिला गिता सुनारलाई गैर खाद्य सामग्री र पोषणयुक्त खानेकुरा सहयोग गरेको नेपाल रेडक्रस सोसाईटी दोधारा उपशाखाका सभापती राजेन्द्र मल्लले जानकारी दिनुभएको छ् ।

संचारमाध्यम तथा कुतियाकवर विपद् ब्यवस्थापन समितिद्धारा जानकारी पाएपछि बाढीले घर भत्काएर ‘सुरक्षित आवास’ मा बस्दै आएका सुत्केरी महिला गिता सुनारलाई सहयोग गरिएको सभापती मल्लले बताउनुभएको छ् । सुत्केरी महिला गिता सुनारको आर्थिक अवस्था अहिले आएर निकै दैनिय रहेको र सुत्केरीको लागी पोषणयुक्त खानेकुरा र नेपाल रेडक्रस सोसाईटी कञ्चनपुरबाट बाढीपिडितहरुलाई प्राप्त राहत प्याकेज सुत्केरीलाई हस्तान्तरण गरिएको नेपाल रेडक्रस सोसाईटी दोधारा उपशाखाका सभापती राजेन्द्र मल्लले बताउनुभएको छ् । सुत्केरी गिता सुनारको स्वास्थ्य अवस्थाको समेत जानकारी लिएको उहाँले बताउनुभएको छ् ।

गिता सुनारको घर गत भदौ २७ र २८ गतेको बाढीले पूर्णरुपमा क्षति भएपछि उहाँ नजिकै रहेको ‘सुरक्षित आवास’ मा जहान परिवार सहित बस्दै आउनुभएको छ् । उहाँले ‘सुरक्षित आवास’ मा बस्दै गर्दा शिशुलाई जन्म दिनुभएको कुतियाकवर विपद् व्यवस्थापन समितिका संयोजक टेक बहादुर सुनारले बताउनुभएको छ् ।

यस अघि कुतियाकवर विपद् व्यवस्थापन समितिले सुत्केरी महिला गितालाई पोषणयुक्त खानेकुराका लागि नगद रु. ४ हजार नगद सहयोग गरेको थियो ।