वडा नम्बर ४को नव निर्मित प्रशासनिक भवनको समुद्धघाटन

महेन्द्रनगर–कञ्चनपुर जिल्लाको दोधारा चाँदनी नगरपालिका वडा नं. ४ को नवनिर्मित प्रशासनिक भवनको औपचारीकरुपमा समुद्धघाटन गरीएको छ । नयाँ बर्षको अवसरमा दोधारा चाँदनी नगरपालिकाका वडा नं. ४को प्रशासनिक भवनको समुद्धघाटन नगर प्रमुख किशोर कुमार लिम्बुले भवनको उद्धघाटन गरेका हुन् । दोधारा चाँदनी नगरपालिका– ४ का वडाध्यक्ष भक्त बहादुर सुनारको अध्यक्षता एवं नगर प्रमुख किशोर कुमार लिम्बुको प्रमुख आतिथ्यतामा कार्यक्रम सम्पन्न भएको थियो । नगरपालिकाले सबै वडामा कार्यालय भवन निर्माण गर्ने योजना सहित काम अघि बढाएको छ । वडा कार्यालय भवन उद्धघाटन गर्दै नगर प्रमुख किशोर कुमार लिम्बुले अझै केही वडा कार्यालयको भवन निमार्णको लागी पहल भईरहेको बताए । नगरप्रमुख लिम्बुले सबै वडामा पुर्वाधार निर्माण गरि सेवा प्रवाह गर्ने नीति अन्र्तगत वडा कार्यालयका लागि भवन निर्माण कार्य सम्पन्न भएको बताए ।
दोधारा चाँदनी नगरपालिकाले बिनियोजन गरेको झण्डै रु ९० लाखमा वडा कार्यालयको भवन निमार्ण भएपछि सेवाग्राहीहरुलाई सेवा दिन सहज भएको वडाध्यक्ष भक्त बहादुर सुनारले बताए । वडाध्यक्ष भक्त बहादुर सुनारले आफ्नै कार्यालयबाट जनतालाई सहज रुपमा सेवा दिन कार्यालय निर्माण गरिएको बताउनु भयो । वडा अध्यक्ष सुनारका अनुसार भवन निर्माण भएपछि वडावासीले सरहजरुपमा सेवा पाउनेछन् । कार्यक्रममा महिला स्वयमसेवीका, कर्मचारी, पुर्व जनप्रतिनिधी लगाएतलाई सम्मान गरिएको थियो ।

वडा कार्यालय भवन उद्धघाटन कार्यक्रममा दोधारा चाँदनी नगरपालिकाका नगरप्रमुख किशोर कुमार लिम्बु, नगरउपप्रमुख गंगा देबी जोशी, दोधारा चाँदनी नगरपालिकाका पुर्व नगरउपप्रमुख चिनी गिरी ओझा, वडाध्यक्ष भक्त बहादुर सुनार लगाएत जनप्रतिनिधी, स्थानियबासी तथा कर्मचारीको उपस्थिती रहेको थियो ।