युवा उद्यमी पाण्डेयद्धारा पत्रकार महासंघ अध्यक्ष धामीलाई ५५ हजार आर्थिक सहयोग

महेन्द्रनगर– सुदूरपश्चिमकै प्रतिष्ठित युवा उद्यमी एवं लक्ष्मी ज्वईलर्सका संञ्चालक लक्ष्मीदत्त पाण्डेले प्राण घातक रोगसंग अस्पतालको बेडमा लडिरहेका पत्रकार महासंघ कञ्चनपुरका अध्यक्ष सुरेश सिह धामीलाई उपचार खर्च सहयोग गरेका छन । सहयोगी मन र धनले सुसम्पन्न युवा उद्यमी पाण्डेयले पत्रकार धामीलाई ५५ हजार रुपया सहयोग गरेका हुन् । उक्त रकम उनले अध्यक्ष धामीको व्यक्तिगत खातामा पठाएका छन् । मानविय भावनाको हिसावले आफ्नो दक्ष अनुसारको सहयोग गरेको युवा उद्यमी पाण्डेयले बताए । युवा उद्यमी पाण्डेयले पत्रकार धामीको प्रभु बैंक लिमिटेड शाखा महेन्द्रनगर ०२९०२४३०३२६०००१२ नम्बरमा सिधै ट्रान्सफर गरेका हुन ।
पत्रकार महासंघ शाखा कञ्चनपुरका अध्यक्ष समेत रहेका पत्रकार धामी केही समयदेखि भारतको राजिव गान्धी क्यान्सर अस्पतालमा प्रोष्टेट क्यान्सरको उपचार गराईरहेका छन् । उनको स्वास्थमा उल्लेख्य सुधार आईरहेको उपचारमा संलग्न डाक्टरहरुले बताएका छन् । उनको उपचारमा १५ लाखभन्दा बेसी खर्च भईसकेको र फेरी पनि उपचारको लागि ठूलो धनराशी खर्च लाग्ने भएकाले उनको घरपरिवारले आर्थिका सहयोगको अपिल गरेका छन् ।
नेपाल पत्रकार महासंघका शाखा कञ्चनपुरका सचिव कुण्दन पाण्डेयले अहिलेसम्म आर्थिक सहयोग गर्ने सबैलाई धन्यवाद दिदै देश तथा बिदेशमा रहेका सम्पुर्ण आदरणिय ब्यक्तित्वहरुलाइ अध्यक्ष धामीको उपचारमा सक्दो आर्थिक सहयोग गरिदिन हार्दिक अनुरोध गरेका छन् ।