दोधारा । माईती नेपाल कञ्चनपुरले एक दिने कानुनी अनुशिक्षण सम्पन्न गरेको छ् । सिद्धार्थ होटल न्यू आनन्दमा सुदूरपश्चिम बिश्वबिद्यालय, जनज्योति बहुमुखी क्याम्पस, मोर्डन पब्लिक स्कुल, लोरिडा ईङ्गलिस स्कुल लगाएतका बिद्यार्थीहरुलाई मानव बेचविखन तथा ओसारपसार बिरुद्ध अनुशिक्षण दिईएको माइती नेपाल कञ्चनपुरले जनाएको छ् । मानव बेचविखन तथा ओसारपसार बिरुद्धको कानुनी अनुशिक्षण माइती नेपाल कञ्चनपुरको नौलो कार्यक्रम भने होईन् । यस अघि पनि माईती नेपालले मानव बेचविखन तथा ओसारपसार बिरुद्ध जनचेतना फैलाउन अत्याधिक मात्रामा यस्ता कार्यक्रमको आयोजना गरि सकेको छ् । तर बिगतमा आयोजना गरिएका कानुनी अनुशिक्षण भन्दा यो पृथक कार्यक्रम रहेको माईती नेपाल कञ्चनपुरकी संयोजक महेश्वरी भट्टले जानकारी दिएका छन् । दिईएको अनुशिक्षणबाट प्रशिक्षक उत्पादन भएको र उत्पादित प्रशिक्षकहरुले आ–आफ्ना क्षेत्रमा मानब बेचविखन तथा ओसारपसार बिरुद्ध ब्यापक जनचेतना फैलाउने बिश्वास ब्यक्त गर्दै संयोजक भट्टले थोरै फरक ढंगले अगाडी आएको बताए ।
‘बिगतका दिनमा हामी जति जनालाई तालिम दिन्थ्यौ त्यसले सिमित मान्छे मात्र लाभान्वीत हुन्थे । तर अब त्यसो हुने छैन् । हामीले जति भाईबहिनीहरुलाई तालिम दिएका छौं, उहाँहरु सबै जना स्वत : स्फूर्तमा स्वयंसेवीको रुपमा काम गर्न उत्साहित भएका छन् । यो पटक तालिम लिएका भाई बहिनी यस कार्यमा साथ दिनेछन् भन्ने आशा मैले लिएकी छु’ माईती नेपाल कञ्चनपुरका संयोजक महेश्वरी भट्टले भने । तालिममा सहभागी मध्यका एक सहभागी गोबिन्द जोशीले अनुशिक्षमा सिकेका कुरा आफु अध्ययनरत शैक्षिक क्याम्पसमा मात्र नभई आफु बसेको समाजमा समेत प्रवाहित गर्ने बताएका छन् । अनुशिक्षण आफुहरु जस्ता बिद्यार्थीहरुका लागी लाभप्रद रहेको उनको भनाई रहेको छ् ।
त्यसै गरी कार्यक्रमका अन्य सहभागीहरुले समेत आफु अध्ययनरत शैक्षिक संस्थानको प्रतिनिधित्व गर्दै सुदूरपश्चिम बिश्वबिद्यालय, महकाली मोर्डन पब्लिक स्कुल, फ्लोरिडा ईन्टरनेशनल पब्लिक स्कुलका छात्र छात्राहरुले अब उप्रान्त आफ्नै बलबुतामा यस्तै कार्यक्रमहरुको निरन्तर आयोजना गर्ने बताए । सहभागी बिद्यार्थीहरुले आ–आफ्ना क्षेत्रमा मानव बेचविखन तथा ओसारपसार बिरुद्ध बृहतरुपमा जनचेतना फैलाउन समय सापेक्ष बिभिन्न कार्यक्रमहरुको आयोजना गर्ने प्रतिबद्धता जाहेर गरेका हुन ।
माईती नेपाल कञ्चनपुरले बिगत २० बर्ष देखि कञ्चनपुर क्षेत्रमा हुने मानव तस्करी रोकथाम र मानव तस्करीको जोखिममा परिसकेका महिला तथा बालबालिकाको उद्धार, संरक्षण, सम्बद्र्धन तथा पुनरस्थापनाका लागि उल्लेखनीय कार्य गर्दै आएको छ् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
