महेन्द्रनगर स्थीत भेटघाट चौतारीमा एक पुरुष आफ्नो फोटो झुण्डाएर बसेपछि …

महेन्द्रनगर – महेन्द्रनगरको मदनचोकस्थीत भेटघाट चौतारीमा आफ्नो फोटो झुण्डाएर ६६ बर्षिय खड्का थरका पुरुष डष्नामा बसेका छन् । त्यही व्यनरमा लेखिएको स्लोगनका माध्यमबाट उहाँ उक्त सडकमा आउजाउ गर्ने मानिसको ध्यान आफुतिर तान्न सफल छन् । जोकोहि पनि त्यहा ति व्यक्ति किन आफ्नो फोटो राखेर बसेका होलान् भन्ने कौतुहलका साथ हेर्छन र अनि व्यनरमा लेखिएको स्लोगन ‘विषादी जंगफुड दुव्र्यसन पिडित बालबालिकाको पोषिलो भोजनबाट पालनपोषण र विषादी रहित औषधीद्धारा उपचार गरी जीवन रक्षा गरीदिन अनसन तथा धर्ना कार्यक्रम’ सर्र पढिहाल्छन । कोही पढेर उहाँ नजिक गएर सोधिहाल्छन भने कोही सरासर बाटो तताउछन् ।

उहाँ कञ्चनपुर जिल्ला भीमदत्त नगरपालिका वडा नं. ५ वनगाँउका राजु सिंह खड्का हुन् । उहाँ नेपालको संविधानको भाग तिनअन्तरगत धारा ३५मा उल्लेख गरीएको स्वास्थ्य सम्बन्धी हकका लागि आवाज उठाउने गर्नुहुन्छ । सरकारले आफु संग गरेका सम्झौता पुरा नगरेको भन्दै दोस्रो पटक अनसनमा बसेका उहा आफुलगायत आम नागरिकलाई सरकारले धोका दिएको बताउनुहुन्छ । ‘तीन तहका सरकारले आफ्नो प्रतिवद्धता अनुसार माग पूरा गरेनन्,’ अभियन्ता खडका भन्नुहुन्छ ‘एक बर्ष अघि तिनै तहका सरकारलाई बुझाएका माग मध्ये एउटा माग पनि पुरा गरेको छैन । माग पुरा नगर्दासम्म आन्दोलन जारी राख्छु ।’

खडकाले गत वर्ष लागु औषध पीडित बालबालिकाको उपचार, विषादी नियन्त्रण, देशका सबै युवालाई समान सुविधा प्रदान लगायतका विभिन्न मागहरु राख्दै लामो समय धर्ना र अनशन बसेका थिए । उनले तीनै तहका सरकारका निकायलाई आफ्ना मागहरु बुझाएका थिए ।

खड्काको धर्ना र अनशनपछि तिनै तहका सरकारले सात दिनभित्र माग पूरा गर्ने प्रतिद्धता गरेका थिए । तर एक वर्षसम्म प्रतिवद्धता पूरा नभएपछि खड्काले फेरि धर्ना बसेका हुन् । शनिबारदेखि मदनचोकमा उनी धर्ना बसेका छन् । पहिलो चरणमा धर्ना बसेका उहाँ सरकारले आफना माग सम्बोधन नगरे अनसन बस्ने सरकारलाई चेतावनी समेत दिएका छन् । आइतबार विहानदेखि उनी मदनचोकमा धर्ना बसेका छन । धर्नास्थलमा खडकाले सरकारसित राखेका विभिन्न माग समावेश गरिएका पम्पलेटहरु छन् । धर्ना स्थलमा आउने व्यक्तिलाई खडकाले आफ्ना मागको पम्पलेट बाड्ने गरेका छन् ।

खडका गत वर्ष भीमदत्त नगरपालिका कार्यालयमा धर्ना बसेका थिए । खड्काले विद्यालका बालबालिकाहरुको दिवा खाजा कार्यक्रममा पनि पौष्टिक हुनु पर्ने आवाजा उठाउँदै आएका छन् । उहाँ ०७४ सालदेखि विभिन्न माग राख्दै सरकारलाई दबाव दिँदै आएका छन् । ०७४ मा उनले विरामीहरुलाई जडीबुटी चिनाएर उपचार गर्ने कार्य सुरु गरेका थिए ।