नयाँ खबर
महेन्द्रनगर : नेपालमै सबैभन्दा तीव्र गतिका बलरको खोजी गर्ने उद्देश्यसहित ‘वर्ल्ड लिङ्क बिट द स्पीड’ प्रतियोगिताको तेस्रो संस्करण आगामी वैशाख २० गते महेन्द्रनगरमा आयोजना हुने भएको छ।
इन्टरनेट सेवा प्रदायक कम्पनी WorldLink Communications ले आइतबार दिउँसो ४ बजे महेन्द्रनगरस्थित कभर्ड हलमा प्रतियोगिता आयोजना गर्ने जनाएको छ। उक्त कार्यक्रममार्फत क्रिकेटप्रति रुचि राख्ने युवा प्रतिभाहरूलाई आफ्नो बलिङ गति, सीप र क्षमता प्रदर्शन गर्ने अवसर प्रदान गरिनेछ।
वल्र्ड लिङ्कको महेन्द्रनगर शाखा प्रमुख राज भट्टका अनुसार प्रतियोगितामा सहभागी खेलाडीहरूको बलिङ स्पीड विशेष प्रविधियुक्त उपकरणमार्फत मापन गरिनेछ। प्रतिस्पर्धीहरूमध्येबाट उत्कृष्ट तथा सबैभन्दा तीव्र गतिका बलर छनोट गरिने उनले जानकारी दिए।
आयोजकका अनुसार कार्यक्रमले स्थानीयदेखि राष्ट्रिय स्तरसम्मका उदीयमान क्रिकेट खेलाडीहरूलाई पहिचान दिलाउने र उनीहरूको प्रतिभा उजागर गर्न महत्वपूर्ण भूमिका खेल्ने विश्वास गरिएको छ। क्रिकेटप्रेमी युवाहरूलाई उत्साहका साथ सहभागिताका लागि आह्वानसमेत गरिएको छ।
प्रतियोगितामा सहभागी हुन कुनै शुल्क नलाग्ने शाखा प्रमुख भट्टले बताए। यस वर्षको संस्करणलाई थप प्रतिस्पर्धात्मक र व्यवस्थित बनाउन तयारी तीव्र पारिएको आयोजकले जनाएको छ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
