बैजनाथ माध्यमिक विद्यालयले मनायो बार्षिकोत्सव तथा अभिभावक दिवस

महेन्द्रनगर – बैजनाथ माध्यमिक विद्यालयले ६०औ बार्षिकोत्सव तथा अभिभावक दिवस मनाएको छ । बिहिबार विद्यालय व्यवस्थापन समिति अध्यक्ष गणेश खत्रीको अध्यक्षता एवं शिक्षा विकास निर्देशनालय डोटीका निर्देशक दुर्गादत्त विष्टको प्रमुख आतिथ्यतामा औपचारीक कार्यक्रमका साथ बार्षिकोत्सव तथा अभिभावक दिवस मनाईएको हो ।

विद्यालयका प्रधानाध्यापक नरेन्द्रराज जोशीले विद्यालयको बार्षिक प्रगति प्रतिबेदन प्रस्तुत गर्दै विद्यालयको गुणस्तरलाई थप प्राथमिकता दिईएको बताए । कार्यक्रमका प्रमुख अतिथि शिक्षा विकास निर्देशनालयका निर्देशक दुर्गादत्त विष्टले पछिल्लो अवस्थामा सामुदायिक तथा सरकारी विद्यालयलहरुले शिक्षाको गुणस्तरमा राम्रो काम गरीरहेको भन्दै खुसी व्यक्त गरेका छन् । उनले शिक्षा गुणस्तरीय बनाउका लागि अभिभावक, शिक्षक र विद्यार्थीको तालमेल हुनुपर्ने बताए । यदि एउटाको पनि कम्बिनेसन नमिलेको खण्डमा शैक्षिक गुणस्तर न्यून हुने उनले बताए ।

शिक्षाको क्षेत्रमा योगदान गरेको भन्दै विभिन्न शिक्षक तथा व्यवस्थानमा रहेका व्यक्तित्वहरुलाई पनि सम्मान तथा प्रमाण पत्र प्रदान गरीएको छ । सम्मानित हुनेमा भीमदत्त नगरपालिकाका निवर्तमान नगर प्रमुख सुरेन्द्र विष्टका धर्मपत्नी कुसुम विष्ट, शिक्षिका सारीका विष्ट लगायतका शिक्षक स्टाफलाई सम्मानित गरेको छ । अतिथिहरुलाई टोकन अफ लभ पनि प्रदान गरीएको छ ।

कार्यक्रममा बार्षिक परिक्षामा उत्कृष्ठ हुने कक्षागतरुपमा तिनजना विद्यार्थी लाई प्रमाण पत्र तथा पुरस्कार प्रदान गरीएको छ । त्यसैगरी अतिरिक्त क्रियाकलापमा उत्कृष्ठ हुने विद्यार्थीहरुलाई पनि मेडल प्रमाण पत्र र पुरस्कार प्रदान गरीएको छ ।

कार्यक्रममा विद्यार्थीहरुले विभिन्न प्रकारका नृत्य प्रस्तुत गर्नुका साथै विभिन्न कलात्मक प्रस्तुति पस्केका छन् ।
बार्षिकोत्सवमा विभिन्न छिमेकी विद्यालयका प्रधानाध्यापक, शिक्षक, विद्यालय व्यवस्थापन समिति अध्यक्ष, अभिभावक र सरोकारवाला निकायको उपस्थिति रहेको थियो । बैजनाथमावि ले नेपाली अगं्रेजी दुवै माध्यमबाट पढाईै गराईदै आएको छ ।