दोधारा । शुदुरपश्चिम प्रदेश सभा सदस्यको जम्बो टोली दोधारा चाँदनी नगरपालिकाको बाढी ग्रस्त क्षेत्रको स्थलगत निरीक्षण गरेको छ् । शनिवार दोधारा चाँदनी नगरपालिका–३ पटराखल्ला, वडा नं. ७ कञ्चनभोज, जर्का टोल, वडा नम्बर ८ सुन्दरनगर र वडा नम्बर १० कुतियाकवर, अठार नम्वर पिल्लर बस्तीको स्थलगत निरीक्षण गरेको हो । टोलीमा शुदुरपश्चिम प्रदेश सभा सदस्य सदस्य दिवान सिंह बिष्ट, प्रकाश रावल, ईन्द्रा गिरी, रामेश्वर चौधरी, जुना डांगी र नेपाली काग्रेंसका नेता तथा दोधारा चाँदनी नगरपालिकाका पुर्व मेयर बिर बहादुर सुनार, नेपाली काग्रेंसका नेता गोपाल दत्त भट्ट, पुष्कर दत्त जोशी, राजेन्द्र मल्ल लगाएत रहेका थिए । जोगबुडा नदी र महाकाली नदीले कटानको दीर्घकालीन समाधानका सम्भावना पहिल्याउन जनप्रतिनिधी टोली स्थलगत निरिक्षण गरेको हो ।
टोलीलाई बाढी ग्रस्त क्षेत्रको स्थलगत निरीक्षण गरेर समस्या समाधानका लागि पहल अघि बढाउने उनिहरुले बताएका छन् । केही दिन अघि नगरपालिका क्षेत्रमा रेकर्ड ब्रेक’ गर्ने गरि आएको वर्षा संगै महाकाली नदी र जगबुडा नदीको बाढीले दोधारा चाँदनी नगरपालिकाको वडा नं. ३, ६, ७, ८, ९ र १० वडाहरु बढी प्रभावित बनाएको र बाढीको कारण नगर क्षेत्रको १ सय २ घर पुर्णरुपमा क्षती बनाएको हो ।
महाकाली नदीमा रहेको पक्की तटबन्ध होचो हुदै आएको र जोगबूडा नदीमा पक्की तटबन्ध निर्माण नहुदा वर्षेनी कटान र डुबानको समस्या स्थानियहरुले झेल्दै आएका छन् । कञ्चनपुर क्षेत्र नं ३ (ख) का प्रदेश सभा सदस्य बेलबहादुर राना मगरले बाढी र कटानको मुद्दा उठान गरेर प्रदेश सभा सरकारको ध्यानाकर्षण गराउदै आएका छन् ।
टोलीले केही दिन बाघको आक्रमणमा परि मृत्यु भएको हिरा शाहीको घरपरिवारलाई समेत भेट गरेका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
