पत्रकार विवशलाई भीमदत्तकी उप–प्रमुख लेखकद्धारा उपचार खर्च

महेन्द्रनगर–कञ्चनपुरको भीमदत्त नगरकी उपप्रमुख निमल लेखकले दशैअघिदेखि विरामी परेका पत्रकार रवि विवशलाई उपचार खर्च सहयोग गरेकी छिन । केहीदिनदेखि महाकाली अस्पतालमा उपचार गराईरहेका पत्रकार विवशको उपचारमा टेवा पु¥याउनेहेतुले नगद सहयोग गरेकी हुन । अस्पतालको सैयामै पुगेर पत्रकार विवशलाई स्वास्थ्य लाभको कामनासहित सहयोग गरेकी उपप्रमुख लेखकले आफ्नो भत्ता वाफतको रकमबाट सहयोग गरेकी हुन् । उपप्रमुख लेखकले समाजका लागि रातदिन ईमान्दारितापुर्वक निष्पक्ष, कुनै राजनीतिक आग्रह पूर्वाग्रह नराखेर काम गर्ने पत्रकार विवशलाई संकट पर्दा दुखमा साथ दिएको मात्रै बताईन ।

साथै अन्य बिरामीसंग समेत भेटघाट गर्दै केही उपचारमा समस्या भए सुझाव सल्लाह दिन आग्रह गर्दै निमित्त मेसु डा. अर्जुन कुमार श्रेष्ठलाई बिरामीका लागि आवश्यक उपचार समाग्री प्रबन्ध गर्न आग्रह गरेकी छिन । उपप्रमुख लेखकले अस्पताल सुधारका लागि पालिकाबाट समेत आवश्यक सहयोग गरिदै आएको भावि दिनमा पनि गर्ने बताईन । विकल्प दैनिकका सम्पादक पत्रकार विवश एमाले निकट प्रेस चौतारीका पुर्व केन्द्रीय सदस्य हुन । लामो समयदेखि उपचारार्थ रहेका पत्रकार विवशको उपचारमा आर्थिक समस्या रहेकोछ । दुई दशक बढि समयदेखि पत्रकारिता गर्दै आएका उनी समसामयिक समाजिक, आर्थिक, साँस्कृतिक विषय उठान गर्दै आएका छन ।