नयाँ खबर
महेन्द्रनगर – जेनजी युवाहरु नेकपा(एमाले) प्रवेश गरेका छन् । सोमबार कञ्चनपुरको दोधरा चाँदनीमा घरदैलो अभियानको क्रममा दर्जनौँ जेनजी युवा एमाले प्रवेश गरेका हुन् ।
एमाले कञ्चनपुर जिल्ला कमिटीका उपाध्यक्ष तथा प्रचार–प्रसार विभाग प्रमुख जनकराज अवस्थीका अनुसार दोधरा चाँदनी–२ का करन बम, सुरेन्द्र गिरी, बिक्रम गिरी, हरी गिरी, राजेन्द्र भट्ट र जीवन बम लगायतका युवा एमाले पार्टीमा लागेका छन् । नवप्रवेशी युवालाई एमाले कञ्चनपुर इन्चार्ज तथा समानुपातिक उम्मेदवार निरुदेवी पाल तथा प्रतिनिधिसभा प्रत्यक्षतर्फका उम्मेदवार दीपक प्रकाश भट्टले टिका लगाएर स्वागत गरेका थिए ।
पार्टी नेतृत्वले युवाहरूको सहभागिताले चुनावी अभियानमा थप उत्साह थपिएको दाबी गरेको छ । एमालेले कञ्चनपुरका तीनै निर्वाचन क्षेत्रमा विजय हासिल गर्ने लक्ष्यसहित अभियान तीव्र बनाएको जनाएको छ । पार्टीले कञ्चनपुर–३ मा दीपक प्रकाश भट्ट, कञ्चनपुर–२ मा बचन बहादुर सिंह र कञ्चनपुर–१ मा तारालामा तामाङलाई उम्मेदवार बनाएको छ ।
एमाले कञ्चनपुरले जिल्लाका तिनओटै निर्वाचन क्षेत्रमा सुर्यध्वजाबाहक एमाले उमेदवार विजयी हुने दावि गर्दै आएको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
