नयाँ खबर
महेन्कद्रनगर – कञ्चनपुरमा १२ वर्षीया नाबालिका सामूहिक बलात्कारको सिकार भएकी छन् । भीमदत्त १० वैजनाथ सामुदायिक वनमा सामुहिक बलात्कारमा परेकी हुन् । बुधबार नाबालिकमाथि सामूहिक बलात्कारको निवेदन जिल्ला प्रहरी कार्यालय कञ्चनपुरमा परेपछि दुई जना आरोपी पक्राउ परेका छन् । निवेदन आए लगत्तै नाबालिकामाथि सामूहिक बलात्कार गरेको आरोपमा दुई जनालाई पक्राउ गरेको जिल्ला प्रहरी कार्यालय कञ्चनपुरका निमित्त सूचना अधिकारी एबं प्रहरी निरीक्षक वीरेन्द्र थापाले नयाँ खबरलाई जानकारी दिए ।
उनका अनुसार भीमदत्त नगरपालिका–१० का ४७ वर्षीय नरेश गिरी र भीमदत्त नगरपालिका–९ का ४० वर्षीय हिरा नाथलाई पक्राउ गरिएको छ ।
उनीहरूले भीमदत्त नगरपालिका–१० स्थित बैजनाथ सामुदायिक वनको जंगलभित्र लगेर नाबालिकामाथि जबरजस्ती करणी गरेको भन्दै प्रहरीमा उजुरी परेको थियो। सोही उजुरीका आधारमा दुवै जनालाई पक्राउ गरिएको हो ।
घटनाबारे थप अनुसन्धान भइरहेको जिल्ला प्रहरी कार्यालय कञ्चनपुरका निमित्त सूचना अधिकारी प्रहरी निरीक्षक थापाले नयाँ खबरलाई जानकारी दिए ।
उनका अनुसार घटना संवेदनशील भएकाले सघनरुपमा थप अनुसन्धान भइरहेको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
