१
Advertisement
नयाँ खबर
महेन्द्रनगर–कञ्चनपुर जिल्लामा पनि नेकपा एमालेका तत्कालीन महासचिव मदन भण्डारी र सङ्गठन विभाग प्रमुख जीवराज आश्रितको ३२औँ स्मृति दिवस विविध कार्यक्रम गरी मनाईएको छ ।
नेकपा(एमाले) कञ्चनपुर जिल्ला कमिटी तथा एमाले भीमदत्त नगर कमिटीको आयोजनामा जन नेता मदन भण्डारीको शालिकमा माल्यापर्ण सहित महाकाली प्रादेशिक अस्पतालमा उपचाररत विरामीहरुलाई फलफुल वितरण गरी ३२औ मदन–आश्रित स्मुति दिवस मनाईएको हो ।
२०५० जेठ ३ गते दासढुङ्गा चितवनमा रहस्यमय जिप दुर्घटना परी दुवै नेताको निधन भएको दिनको सम्झनामा देशभर ‘मदन–आश्रित स्मृति दिवस’ मनामनाईएको छ ।
नेकपा एमाले पार्टी कार्यालयमा र मदनचोकमा रहेको मदनभण्डारीको शालिमकमा फुलमाला चढाएर कार्यक्रममा उपस्थीत एमाले नेता कार्यकर्ताहरुले जननेता मदन भण्डारीप्रति श्रद्धासुमन व्यक्त गरेका थिए । कार्यक्रममा एमाले कञ्चनपुर जिल्ला ईञ्चार्ज निरुदेवि पाल, जिल्ला अध्यक्ष लक्ष्मी बुढा लगायतका नेता कार्यकर्ताको उल्लेख्य सहभागिता रहेको थियो ।
रहस्यमय जिप दुर्घटनामा मदन–आश्रितको निधन भएपनि घटनाको छानबिन नभएको भन्दै आलोचना हुँदै आएको छ । उक्त घटनामा जीवित चालक अमर लामाको पनि २०६० सालमा हत्या भएपछि घटना झनै रहस्यमय बनेको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
