नयाँ खबर
महेन्द्रनगर–प्रेस सेन्टर नेपाल कञ्चनपुरले राज्यद्वारा हत्या गरिएका पत्रकार कृष्ण सेन ‘इच्छुक’को २३औँ स्मृति दिवस मंगलबार विशेष कार्यक्रम गरी मनाएको छ। जनदिशा दैनिकका प्रधान सम्पादक रहँदा २०५९ साल जेठ १३ गते प्रहरीले हत्या गरेका सेनको स्मृतिमा देशभर विविध कार्यक्रम गरी प्रेस सेन्टर नेपालले मनाएको हो ।
कञ्चनपुरमा सम्पन्न स्मृति दिवस कार्यक्रम प्रेस सेन्टर कञ्चनपुरका अध्यक्ष अरुण भट्टको अध्यक्षता एव. प्रेस सेन्टर नेपालका केन्द्रिय उपाध्यक्ष रामसिंह ठगुन्ना प्रमुख अतिथि रहेका थिए । स्मृति दिवस कार्यक्रममा प्रेस सेन्टर नेपालका सचिव राजेन्द्र अवस्थि, पत्रकार महासङ्घ कञ्चनपुरका कोषाध्यक्ष मोहन बिष्ट, प्रेस चौतारी कञ्चनपुरका अध्यक्ष मदन गिरी अतिथि रहेका थिए ।
कार्यक्रममा कृष्ण सेन ‘इच्छुक’को तस्वीरमा फूलमाला र अबिर अर्पण गर्दै श्रद्धाञ्जली अर्पण गरिएको थियो । प्रमुख अतिथि ठगुन्नाले पत्रकार सेनको नेपाली राजनीति, साहित्य र पत्रकारितामा पुर्याएको योगदानको चर्चा गर्दै उहाँको बलिदानले आजको पत्रकारिता आन्दोलनलाई मार्गदर्शन गरेको उल्लेख गर्नुभयो । कार्यक्रममा अध्यक्ष भट्टले इच्छुकले देखाएको वीरता, क्रान्तिको बाटो र सिद्धान्तको उच्च मूल्याङ्कन गर्दै वर्तमान पुस्ताले उहाँको मार्गमा अघि बढ्नुपर्नेमा जोड दिनुभयो ।
प्रत्येक वर्ष जेठ १३ गते प्रेस सेन्टरले सेन स्मृति दिवसको रूपमा विविध कार्यक्रम गरी पत्रकार सेनको बलिदानको सम्झना गर्दै आएको छ । कार्यक्रममा विभिन्न मिडियमा आवद्ध पत्रकारहरुको सहभागिता रहेको थियो । कार्यक्रमको सहजीकरण सेन्टरका नेता मोहन विष्टले गरेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
