कञ्चनपुरका सहायक प्रजिअ पाेखरेललाई पितृ शाेक

महेन्द्रनगर – कञ्चनपुर जिल्ला का सहायक प्रमुख जिल्ला अधिकारी परशुराम पोखरेललाई पितृशोक परेको छ । बिहीबार साँझ सहायक प्रमुख जिल्ला अधिकारी पोखरेलका पूजनीय बुबा टोपलाल पोखरेलको ७६ वर्षको उमेरमा असामयिक निधन भएको हो ।  सहायक प्रमुख जिल्ला अधिकारी का पूज्यनीय बुबाको बिहीबार बेलुका ७ बजेर २४ मिनेटमा निधन भएको हो ।
सहायक प्रजिअ पोखरेलका बुबाको निधनमा फागुन ८ गते जिल्ला प्रशासन कार्यालय कञ्चनपुर र जिल्ला सुरक्षा समितिको बसेको बैठकले दिवंगत आत्माको चिरशान्तिको कामना सहित श्रद्धाञ्जली व्यक्त गर्दै शोकाकुल परिवारमा समवेदना जारी गरेको छ ।
विक्रम संम्बत २००६ सालमा लुम्बिनी अञ्चल गुल्मी जिल्लामा जन्मनु भएका सहायक प्रजिअका पिता टोपलाल समाज सेवा देखिन थुप्रै क्षेत्रमा काम गर्नु भएको थियो ।

उहाँको निधन भएको दुखद् खबरले शुभचिन्तक देखि सबै क्षेत्रबाट दिवंगत आत्मा प्रती श्रद्धाञ्जली सहित शोकसन्तप्त परिवारमा समवेदना व्यक्त गरिरहेका छन् ।