एमाले कञ्चनपुरद्धारा साईवर अपराध अन्तरगत जिप्रकामा मुद्धा

महेन्द्रनगर – नेकपा(एमाले) कञ्चनपुरद्धारा साइबर अपराधमा मुद्दा दर्ता गराएको छ । नेकपा(एमाले)ले सामाजिक सञ्जाल फेसकुमा पार्टी विरुद्ध अनर्गल प्रचार गरिएको भन्दै बुधबार जिल्ला प्रहरी कार्यालयमा बन्दना प्रकाशन, लक्ष्मण कठायत, चितवनले जन्माएको मान्छे र स्मार्ट न्यूज विरुद्ध साइबर अपराध अन्तरगत कारवाहीका लागि जाहेरी दर्ता गरेको छ ।

जिल्ला प्रहरी कार्यालयमा दर्ता जाहेरीमा सामाजिक सञ्जालमा एमाले कञ्चनपुरको सिङ्गो टीम रास्वपा प्रवेश, एमाले संस्थापन रास्वपा प्रवेश लगायतका भ्रामक प्रचार सामाग्री र भिडियो पोष्ट गरी चुनाव प्रभावित र पार्टी बदनाम हुने काम गरेकोले उक्त कार्यमा संलग्नलाई कारवाहीको माग गरिएको छ ।

माघ १२ गते सामाजिक सञ्जालमा विभिन्न व्यक्तिका नाममा खोलिएका एकाउण्ट मार्फत एमाले कञ्चनपुरको सिङ्गो टीम रास्वपा प्रवेश लगायतका सूचना सार्वजनिक गरिएका थिए ।
एमाले कञ्चनपुरका अध्यक्ष लक्ष्मी बुढाले सोही दिन खण्डन गरेकी थिइन । एमाले कञ्चनपुरका प्रचार विभाग प्रमुख जनकराज अवस्थीले चुनावी वातावरण बिथोल्ने र एमालेको बदनाम गर्ने मनसाय राखेर फेसकुबाट ती सामाग्री राखेर प्रचार गरिएकाले कारवाहीका लागि जाहेरी दिइएको बताए ।

बुधबार नै एमाले कञ्चनपुरले एक विज्ञप्ति सार्वजनिक गर्दै आफुलाई बैकल्पिक शक्ति भन्न रुचाउने राष्ट्रिय स्वतन्त्र पार्टी कति झुट र मिथ्या प्रचारको सहारा लिईरहेको छ भन्ने कुरा स्पष्ट देखिएको जनाएको छ । विज्ञप्तिमा आफ्ना कुनै पनि कार्यकर्ता रासपा प्रवेश नगएको स्पष्टिकरण दिईएको छ ।