आठौँ शुक्लाफाँटा पर्यटन महोत्सव सुरु

महेन्द्रनगर–शुक्लाफाँटा पर्यटन महोत्सव सुरु भएको छ । कञ्चनपुरको पर्या–पर्यटन प्रवर्द्धनका लागि भीमदत्त नगरपालिकाको आयोजनामा शुक्रबारदेखि शुक्लाफाँटा पर्यटन महोत्सव सुरु भएको हो । महोत्सवको सुदूपश्चिम प्रदेश सभा सदस्य बेलबहादुर रानाले समुद्धघाटन गरेका छन् । सात दिनसम्म चल्ने महोत्सवको सुपको लोकसंस्कृती झल्किने झागि प्रदर्शनसहित समुद्धघाटन गरीएको हो ।

कार्यक्रमका प्रमुख अतिथि रहेका प्रदेश सभा सदस्य बेलबहादुर रानाले पर्यटनका माध्यमबाट आम्दानी वृद्धि गर्न गरीएको कार्यक्रम सराहनीय रहेको बताउनुभयो । उनले तीनै तहका सरकारको संयुक्त साझेदारीमा पर्यटकीय कामकाज अघि बढाउनुपर्ने जोडदिएका छन् । भीमदत्त नगरका प्रमुख पदम बोगटीले निकुञ्ज जिल्लाका अन्य पालिकासँगै जोडिएको भए पनि भीमदत्त नगर जेठो पालिका भएकाले आफैँले दायित्व लिएर कार्यक्रम सञ्चालन गरेको बताए । मेयर बोगटीले पर्यटकीय सम्भावना बोकेको शुक्लाफाँटामा आन्तरिक तथा बाह्य पर्यटक भित्र्याउनुपर्नेमा जोड दिएका छन् । भीमदत्त नगर पर्यटन विकास समितिका उपाध्यक्ष राजेन्द्र केसीले विगतका वर्षहरू जस्तै यस वर्ष पनि नगरपालिकाले शुक्लाफाँटा पर्यटन महोत्सवको निरन्तरता दिएको बताउदै शुक्लाफाँटा राष्ट्रिय निकुञ्ज स्थापनाको अवसर पारेर महोत्सवको आयोजनाका लागि सरोकारवाला सबै निकायसंग समन्वय गरएको बताउनुभयो ।

भोली निकुञ्जभित्र भारतीय पत्रकारसहितका सरोकारवालाहरूलाई भ्रमण, ११ गते एयरपोर्टदेखि निकुञ्जसम्म सरसफाइ, १२ गते डिजिटलमार्फत निकुञ्जको प्रचारप्रसार, १३ गते निकुञ्सम्बन्धी निबन्ध प्रतियोगिता, १४ गते पर्यटनबारे सरोकारवालासँग छलफल र अन्तिम दिन १५ गते निकुञ्जका कर्मचारी र भीमदत्त नगरका जनप्रतिनिधिबिच मैत्रीपूर्ण फुटबल प्रतियोगिता राखेर समापन गरिनेछ ।
फागुन १२ गतेदेखि उद्योग बाणिज्य संघले आयोजना गर्ने कञ्चनपुर औद्योगिक व्यपार मेलामा आउने राष्ट्रिय कलाकारहरूलाई निकुञ्ज अवलोकन गराइने योजना भीमदत्त नगरपालिकाको रहेको छ ।