तेस्रो अमिटी फेष्ट विबिध कार्यक्रम गरी सम्पन्न

महेन्द्रगनर – तेस्रो अमिटी फेष्ट विबिधि कार्यक्रमका साथ सम्पन्न भएको छ । शनिबार भीमदत्त नगरपालिका वडा नं. ६ बनगाँउस्थित अमिटी कलेजमा रहेको विभन्नि चार क्लवहरुको संयुक्त आयोजनामा गरीएको अमिटी फेष्ट कलेजका अध्यक्ष गोकुलदेव भट्टको सभापतित्व तथा सुदूरपश्चिम विश्वविद्यालयका परीक्षा नियन्त्रक अनुराधा रोकायाको प्रमुख आतिथ्यतामा सम्पन्न भएको हो ।

फेष्टमा विद्यार्थीहरुले फुड स्टल, स्पोट्र्स लगायतका स्टल राखेका थिए भने नृत्य, कमेडीसहित कन्सर्ट सो पनि प्रदर्शन गरेका थिए । कलेजहरुमा फेष्टहरु आयोजना गर्नु समयसान्दर्भिक रहेको उल्लेख गर्दै फेष्टले पाठ्यक्रमको उदेश्य पुर्ति गर्ने प्रमुख अतिथि सुप विश्वविद्यालयका परीक्षा नियन्त्रक अनुराधा रोकायाले बताईन् । त्यसैगरी कलेजका अध्यक्ष गोकुलदेव भट्टले विद्यार्थीहरुलाई भविश्यमा जीवनपयोग ज्ञान सिकाउन सैद्धान्तिक ज्ञानसँगै व्यवहारिक ज्ञान प्रदान गर्नुपर्ने अहिलेको महत्वपूर्ण आवश्यकता रहेको उल्लेख गरे ।

कलेजमा ईभेन्ट म्यानेजमेन्ट क्लव, अमिटी ईन्टरप्रिनिरियर डेभलभमेन्ट क्लव, अमिटी स्पोट्र्स एण्ड कल्चरल क्लव र हेल्थ एण्ड हाईजिन क्लव रहेका छन् । कलेजमा रहेका सबै क्लवहरुको सहकार्यमा फेष्टको आयोजना गरीएको हेल्थ एण्ड हाईजिन क्लवकी अध्यक्ष आरती पाण्डेयले बताईन् । उनले फेष्टमा हाइजनिक फुडहरुको स्टल राखिएको पनि बताईन् ।

विद्यार्थीहरूको चौतर्फी विकास गर्न र भविश्यमा अध्ययन पुरा गरीसकेपछि विद्यार्थीहरुलाई उद्यमशिल तथा स्वरोजगार बनाउने उदेश्य पुरा गर्न कार्यक्रमले टेवा पुग्ने कलेजका प्रिन्सिपल रविन्द्र अवस्थीले बताए ।