महेन्द्रनगर–आन्तरिक राजस्व कार्यालय कञ्चनपुरले एक कार्यक्रम गरी कञ्चपनुरका व्यवसायीहरुलाई आर्थिक ऐन ०८१मा भएको कर छुटको सौहलियत लिन आग्रह गरेको छ । शुक्रबार आन्तरीक राजश्व कार्यालय कञ्चनपुरले पत्रकारहरु संग एक औपचारीक कार्यक्रमको आयोजना गरी आर्थिक ऐन ०८१मा उल्लेख गरीएअनुसार आर्थिक बर्ष २०८१ असार मसान्तसम्मको आर्थिक विवरण नवुझाएका तथा कर तिर्न बाकि रहेका सम्पूर्ण व्यवसायीहरुलाई कर छुटको सौहलियत लिन आग्रह गरेको हो ।
पत्रकारहरु संगको छलफलमा आन्तरीक राजस्व कार्यालय कञ्चनपुरका कर अधिकृत विजय भुसालले आर्थिक ऐन ०८१मा उल्लेख गरीएको कर छुटको सौहलियत फागुन मसान्तसम्म रहेको बताउनुभयो । उहाका अनुसार पुराना पेन दर्ता गराएका तर आर्थिक विवरण तथा कर चुक्ता गर्न बाकि रहेका व्यवसायीहरुले शुन्य खर्चमा पेन बन्द गराउन सक्नेछन् । त्यसैगरी १०÷१२ बर्ष भन्दा बढि समयदेखि मासिक विबरण हाल्न बाकि भएका नन फिल्टर भएर बसेका मुल्यअभिबृद्धिमा दर्ता गराएका करदाताले समेत ८०–९० प्रतिशतसम्म छुट पाउने उहाले बताउनुभयो ।
आन्तरीक राजस्व कार्यालयका कर अधिकृत भुसालले आर्थिक ऐनले व्यवस्था गरेका छुट सुविधा सम्बन्धी सौलियत लिनुपर्ने करदाताको लिष्ट उद्योग बाणिज्य संघ कञ्चनपुर लगायत घरेलु कार्यालयमा पठाईसकेको बताउनुभयाये । उहाका अनुसार जिल्लामा कुल करदाताको ५१ प्रतिशत करदाता नन फिल्टर भएर बसेका छन् ।
उनका अनुसार करको दायरामा आएका नआएका दुवै तर्फहरुलाई सुविधा रहेको छ । करको दायरामा नआएका तर घरेलुमा फर्म दर्ता गराएर कुनै पनि कारोवार नगरेका करदातालाई पनि घरेलुले फर्म बन्द गर्न कर चुक्ता मागिरहेकोले उक्त करचुक्ता लिन कर कार्यालयले छुट प्रदान गरीरहेको कर अधिकृत भुषाले बताउनुभयो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
