नयाँ खबर
महेन्द्रनगर-राष्ट्रिय समाज कल्याण संघ(एनएनएसडब्ल्यूए)ले महाकालि प्रादेशिक अस्पतालमा सञ्चालित एकद्धार संकट व्यवस्थापन केन्द्र (ओसीएमसी) सुदृढीकरणका लागि सामग्री हस्तान्तरण गरेको छ।
मंगलबार लैङ्गिक हिंसाविरुद्धको सेवा प्रणालीलाई थप प्रभावकारी बनाउन एनएनएसडब्ल्यूए र वर्ल्ड भिजन इन्टरनेशनल नेपालको साँझेदारीमा सञ्चालित किशोरी समृद्धिका लागि ‘बी फोर जी’ परियोजना अन्तर्गत आवश्यक सामग्रीहरू १ थान सोफा सेट, १ थान लो बेड, १ थान स्टिल दराज, १ थान स्ट्यान्ड फ्यान, १ थान एएनसी परिक्षणका लागि प्रयोग हुने फोल्डेबल बेड र १ थान बाकस सहितको काठको बेञ्च गरि रू। ८१ हजार ७ सय बराबरको सामग्री हस्तान्तरण गरिएको हो।
एनएनएसडब्ल्यूए का निमित्त कार्यकारी निर्देशक बिनोद बिक्रम जैरूले महाकाली प्रादेशिक अस्पतालका निमित्त मेडिकल सुपरिटेन्डेन्ट डा। अर्जुन भट्टलाई सामग्रीहरू हस्तान्तरण गरेका हुन ।
सामग्री हस्तान्तरण गर्दै निमित्त कार्यकारी निर्देशक बिनोद बिक्रम जैरुले ओसीएमसी जस्ता संकट व्यवस्थापन केन्द्रहरू सशक्त र प्रभावकारी रुपमा सञ्चालन हुनु अत्यन्त जरूरी रहेको उल्लेख गरे । लैङ्गिक हिंसा पीडित महिला, किशोरी र लैङ्गिक तथा यौनिक अल्पसंख्यकहरूलाई समुचित संरक्षण, सेवा र पुनर्स्थापनाका लागि यस्ता केन्द्रहरूको भूमिका महत्वपूर्ण हुने उनको भनाइ थियो । उनले परियोजनाको मूल उद्देश्य पनि किशोरी र महिलामाथिको हिंसालाई न्यून गर्दै सुरक्षित, उत्तरदायी वातावरण निर्माण गर्नु भएकाले, यो सामग्री सहयोगले केन्द्रको सेवा क्षमता अभिवृद्धिमा सहयोग पुर्याउने विश्वास व्यक्त गरे ।
त्यस्तै, महाकाली प्रादेशिक अस्पतालका निमित्त मेडिकल सुपरिटेन्डेन्ट डा। अर्जुन भट्टले नेपाल राष्ट्रिय समाज कल्याण संघ र वर्ल्ड भिजनले गरेका यस्ता सहयोगले थप उत्साह र ऊर्जा प्रदान गरेको बताए ।
सामग्री हस्तान्तरण कार्यक्रममा एकद्धार संकट व्यवस्थापन केन्द्रकी फोकल पर्सन भावना शर्मा, नर्सिङ्ग निरीक्षक सुनिता थापा, नेपाल राष्ट्रिय समाज कल्याण संघका परियोजना संयोजक देबराज बडु, ‘बी फोर जी’ परियोजनाकी संयोजक लगायत सहभागि थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
