बोहरालाई काँग्रेस महाधिबेसन प्रतिनिधि बन्न गोलाप्रथाको साथ

महेन्द्रनगर – काँग्रेस १५ र्औं महाधिवेशनका लागि कञ्चनपुर ३ बाट ३३ जना महाधिवेशन प्रतिनिधिको टुङ्गो लागेको छ । ९ जना प्रतिनिधि विभिन्न कलष्टरमा निर्विरोध छनौट भएका हुन भने २४ जना कडा चुनावि प्रतिस्पर्धाबाट छनौट भएका हुन् ।
सुदूरपश्चिम सरकारका पूर्व मन्त्री बहादुर थापा, पूर्व मन्त्री बेल बहादुर राना, भीमदत्त ११ का वडा अध्यक्ष प्रकाश थापा, लोक बहादुर ठकुराठी, विष्णुदत्त जोशी, दिपक बहादुर सिंह, दुर्गादत्त बोहरा, नाफू सिह साउँद, कृष्ण कुँबर र मेखराज पण्डितसहित दश जना प्रतिनिधि खुला प्रतिस्पर्धाबाट निर्वाचित भएका छन् ।

श्रमिक क्लस्टरमा बिर्ख बहादुर मल्ल फराकिलो मत अन्तरले महाधिबेसन प्रतिनिधिमा छनौट भएका छन् ।
युवा खुलामा लोचन कार्की र अमृत कार्की निर्वाचित भएका छन् । प्रजातान्त्रिक सेनानीबाट प्रेम बहादुर विष्ट महाधिवेशन प्रतिनिधि निर्वाचित भएका छन् ।
महाधिवेशन प्रतिनिधिको खस आर्यबाट कृष्ण प्रसाद पाठक, दिल बहादुर सिंह, यज्ञराज चटौत र शंकर बहादुर चन्द निर्वाचित भएका छन् ।

महिला खुलाबाट अहिल्यादेबी बोहरा, माया भट्ट, खगेश्वरी बोगटी र सीमा बोहरा महाधिवेशन प्रतिनिधि निर्वाचित भएका छन् । सीमा बोहरा र मीना भण्डारीको समान ३ सय ६ मत आएपछि गरीएको गोला प्रथामा बोहराले बाजी मारीन । महिलाको खुला कोटामा पाच जनाका लागि भएको निर्वाचनमा ६ जना प्रतिस्पर्धामा थिए ।

खस आर्यको महिलामा काँग्रेस केन्द्रीय सदस्य सन्तोसी साउँद, गंगा विष्ट र मन्जु गिरी निर्विरोध महाधिवेशन प्रतिनिधि भएका छन् । थारुबाट भारती देबी चौधरी पनि निर्विरोध भएकी छन् ।

दलित समानुपातिकबाट हिरा कुमारी सार्की र पदम सुनार निर्विरोध महाधिवेशन भएका छन् । दलित खुलामा हरिहर परियार निर्विरोध भएका छन् ।
काँग्रेस कञ्चनपुरका पूर्व सचिव दिवाकर पाण्डेय अपाङ्गता, गजेन्द्र रावल पेशागत र महिला युवाबाट कमलादेबी उपाध्यय निर्विरोध महाधिवेशन प्रतिनिधि भएकी छन् ।
असोज १८ गते कांग्रेको १५औ माहाधिवेशन काठमाण्डौमा हुनेछ । यसैक्रममा विभिन्न जिल्लाबाट महाधिबेसन प्रतिनिधी छनौट भईरहेको छ ।