नयाँ खबर
महेन्द्रनगर – कञ्चनपुरको दोधारा चाँदनी नगरपालिका– ३ पटराखल्ला बस्तीमा बाढीको जोखिम बढ्दै गएपछि पटरा खल्ला बस्तीका स्थानियहरुले अपांग, जेष्ठ नागरिक, गर्भवती लगाएत आवश्यक सामग्री सुरक्षित स्थानमा सारिएको छ् । मौसम विज्ञान विभागको मौसम पूर्वानुमान महाशाखाले असोज ९ गते देखि ११ गते सम्म हावाहुरी संगै भारी वर्षा हुने जानकारी दिए संग पटरा खल्ला बस्तीमा बाढी त्रास बढेर गएको हो ।
जनप्रतिनिधी, सशस्त्र प्रहरी, नगर प्रहरीको सहयोगमा पटराखल्ला बस्तीका अपांग, जेष्ठ नागरिक, गर्भवती लगाएत आवश्यक सामग्री सुरक्षित स्थानमा सार्न थालिएको लक्ष्मी देबी बुढाले बताइन । भारतको सिमा संग जोडिएको जोगबुडा नदीको छेउमा रहेको पटरा खल्ल्ला बस्तीमा बिगतमा जोगबुडा नदीको भंगलो बस्तीमा पसेर ठुलो धनजनको क्षती पुर्याउँदै आएको छ ।
बिगतमा बाढीले गर्दै आएको समस्यालाई मध्यनजर राख्दै बाढीको पुर्व तयारी अनुसार बस्तीमा रहेका अपांग, जेष्ठ नागरिक, गर्भवती लगाएत आवश्यक सामग्री नजिकै रहेको जमुना आधारभुत बिद्यालयमा सार्न थालिएको उनले बताइन् ।
पटेराखल्ला बस्तीमा ३० घरपरिवार बसोबास गर्छन् । बिगत वर्षमा पनि जोगबुडा नदी बस्तीमा पस्दा उनिहरु दईनजिकै रहेको जमुना आधारभुत बिद्यालयमा आश्रय लिने गरेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
