खुलामञ्चमा मिनि मनोरन्जन तथा सांस्कृतिक मेलाको आयोजना

महेन्द्रनगर – कञ्चनपुरमा मिनि मनोरन्जन तथा सांस्कृतिक मेला सुरु हुन लागेको छ । सुदुरपश्चिम समाबेसी अपाङ्गता संघको आयोजना तथा भावना एम्युजमेन्ट प्रालि कैलालीको व्यवस्थापनमा शुक्रबारदेखि मेला सुरु भईरहेको हो । शुक्रबार मेलाको समुद्धघाटन भीमदत्त नगरपालिकाका उप प्रमुख निलम लेखकजोशीले गर्ने आयोजकले पत्रकार सम्मेलनमार्फत जानकारी दिएको छ । भीमदत्त नगरपालिका संरक्षक रहेको मेला शुक्रबार देखि साउन २९ गतेसम्म सञ्चालन हुने आयोजकले जानकारी दिएको छ । मेला विहान ११ बजेदेखी राती ९ बजेसम्म मेलाको आयोजना हुनेछ । राष्ट्रिय तथा स्थानीय कलाकारहरुको प्रस्तुति सहित उनीहरुलाई सम्मान गरीने सुदुरपश्चिम समाबेसी अपाङ्गता संघका संयोजक उपेन्द्रबहादुर खडायतले बताए । उनले मेलाको विद्यार्थीहरुलाई ५० र सर्वसाधारणतर्फ १०० रुपाया टिकट राखिएको बताए । अपांगता भएका व्यक्तिहरुले लगाएको मेला भएको कारण अपांगताभएकाहरुका लागि बस्नका लागि उचित व्यवस्थापन गरीएको पनि उनले बताए । टिकटबाट उठेको रुपयाको दुई प्रतिशत रकम पत्रकार महासंघको अक्षयकोषको लागि प्रदानगर्ने, मेलाबाट उठेको दुई प्रतिशत रुपया ह्वीलचियर बास्केट बल खेल्नेकालागि ह्वीलचियर खरीद गर्नकालागि प्रदान गरीने संयोजक खड्काले बताए ।

मेलामा राष्ट्रिय स्तरका कलाकारहरुको बेजोड प्रस्तुतीका साथै लोकनृत्य, आधुनिक संगीत, पारम्परिक थारु नृत्यहरुको प्रस्तुति रहनेछ । कलाकारहरु एलिना चौहान, ज्योती मगर, प्रिती आले,टंक तिमिल्सेना, जिबब, चक्र बम, वद्री प्रगेनी, रामजी खाण, खुमन अधिकारी, टिका पुना, रमेशराज भट्टराई, लालबहादुर धामी अछामी बड्डोलगायतका कालकारहरुको बेजोड प्रस्तुती रहने आयोजकले जनाएको छ । स्थनीय खानाका स्टलसंगै थारु खानाका परिकार ढिक्री, चिचर, घोंघी, पकुवा र अन्य परिकारहरूको स्वाद लिन पाईने संयोजक खड्काले बताए ।

उज्यालो बत्तिले सजिएको, रमाइलो स्टलहरू र परम्परागत प्रस्तुतिले भरिएको महेन्द्रनगरको रात्रिकालीन महोत्सवमा एक फरक अनुभव गर्न सकिने आयोजकले जनाएको छ ।