नयाँ खबर
महेन्द्रनगर – कुकुर काटेको आरोपमा एक जनालाई प्रहरीले पक्राउ गरेको छ । कैलाली जिल्लाको गोदावरी नगरपालिकास्थीत अत्तरीया बजारमा कुकुर काटेको आरोपमा गोदावरी नगरपालिका २ बस्ने ६४ बर्षिय सुरेश दमाईलाई नियन्त्रणमा लिईएको हो ।
यसैबीच, समाजिक सञ्जाल फेसबुकमा कुकुरजस्तो देखिने जनावरको मासु पोलेर पखाल्दै गरेको भिडियो भाइरल भइरहेको छ। अत्तरिया बसपार्क पछाडिको एक इलाका प्रहरी कार्यालय मालाखेतीका डीएसपी हिरासिंह महराले कुकुर काटेको अभियोगमा सुरेशलाई नियन्त्रणमा लिएको पुष्टि गरेका छन् । प्रहरीका अनुसार दमाईबाट बरामद गरिएको मासु परीक्षणका लागि पठाइएको छ। प्रारम्भिक सोधपुछका क्रममा दमाईले उक्त मासु कुकुरको नभई स्यालको भएको दाबी गरेका छन्। उनले मासु बिरामीका लागि ल्याएको बताएका छन्।
सामाजिक सञ्जालमा सार्वजनिक भएको भिडियोमा एउटा जनावरको मासु पोलेर पखाल्दै गरेको देखिन्छ। उक्त भिडियो यही घटनासँग सम्बन्धित हो वा होइन भन्नेबारे भने प्रहरीले पुष्टि गरिसकेको छैन।
बरामद गरिएको मासु कुकुर, स्याल वा अन्य कुनै जनावरको हो भन्ने यकिन गर्न परीक्षणका लागि पठाइएको डीएसपी महराले बताए।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
